Ընկերային ցանցեր:

RSS:

Ծրագիր:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Եկեղեցի \ Զօրակցութիւն

Ֆրանչիսկոս Պապ 200 հազար եւրօ կը նուիրէ Պանկիի հիւանդանոցին։

''Christo''ի արուեստական ստեղծագործութիւնը - RV

07/02/2017 08:43

 (Ռատիօ Վատիկան) “Christo’s box. Between art and mercy. A gift for Bangui” նախաձեռնութեամբ արուեստը եւ ողորմութիւնը իրարու միանալով սատարեցին 200 հազար  եւրոյի հանգանակութեան որոնք դրուեցան Ֆրանչիսկոս Պապին տրամադրութեան տակ որ իր կարգին զանոնք յատկացուց Կեդրոնական Ափրիկէի մայրաքաղաք` Պանկիի հիւանդանոցին որպէս նուէր։

Վերոնշեալ ձեռնարկը իրականացուած է Պուլկարացի յայտնի արուեստագէտ '' Christo'' ի  եւ Սուրբ Աթոռի Հաղորդակցութեան քարտուղարութեան կառավարիչ` Գերապայծառ Տարիօ Վիկանոյի համագործակցութեամբ։ 

200 հազար եւրոյի գումարը հանգանակուեցաւ շնորհիւ  ''Christo''ի նուիրած արուեստական մէկ ստեղծագործութեան նմուշներու վաճառումին։ Այդ գումարը այժմ յատկացուեցաւ, ինչպէս նշեցինք, Կեդրոնական Ափրիկէի մայրաքաղաք` Պանկիի մանկաբուժարանին ու յատկապէս այնտեղ խնամուած աղքատ բոլոր մանուկներուն անխտիր, անկախ անոնց կրօնական կամ ցեղային պատկանելիութեան­, տրուած ըլլալով որ, ինչպէս նոյնինքն յայտնած է Քահանայապետը ընդունելով նուէրը, բոլոր մանուկները կարիքն ունին խնամքի եւ հոգատարութեան։

07/02/2017 08:43