Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Վատիկան \ Միջոցառումներ

Իրլանտայի եպիսկոպոսներուն հնգամեայ կանոնական այցելութիւնը Սուրբ Պետրոսի յաջորդին։

Հնգամեայ կանոնական այցելութիւնը Սուրբ Պետրոսի յաջորդին։ - L'Osservatore Romano

17/01/2017 09:02

(Ռատիօ Վատիկան) 2017-ի Յունուար 15-24 Իրլանդայի եպիսկոպոսները Հռոմ կը ժամանեն իրենց հնգամեայ կանոնական այցելութիւնը կատարելու Սուրբ Պետրոսի յաջորդին։

Իրլանդայի հանրապետութիւնը ունի 70,273 Քմ քառակուսի տարածք եւ 4 միլիոն 593 հազար բնակչութիւն որուն մեծամասնութիւնը` 76.8 առ հարիւրը կաթողիկէ են, ապա կան Իրլանդայի անկլիքան եկեղեցին, բողոքական ու օրթոտոքս եկեղեցիները, Մահմետականները կը հաշուեն բնակչութեան միայն մէկ առ հարիւրը։

Իրլանդայի Կաթողիկէ Եկեղեցին։

Իրլանդայի մէջ քրիստոնէական կրօնը մուտք գործած է Ե դարուն, Սուրբ Փաթրիցիոյի աւետարանումի առաքելութեան շնորհիւ։ Սուրբ Փաթրիցիոն նկատուած է Իրլանրայի առաջին առաջնորդն ու Պաշտպան Սուրբը։

ժԵ – ԺԸ դարերու ընթացքին, Անկլիքան վերանորոգումի հետեւանքով, Կաթողիկէ հաւատացեալները ահաւոր հալածանքի ենթարկուած են,  մինչ ԺԹ դարուն Կաթողիկէ Եկեղեցին վերագտնելով իր ազատութիւնը`  վերսկսած է վերելքի եւ վերականգնումի նոր շրջան։

Իրլանդայի կաթողիկէ եկեղեցին ունի չորս եկեղեցական գաւառներ եւ ութը աւագ թեմեր։ Եպիսկոպոսական համահաւաք դասին նախագահն է Կարդինալ Էտմոն Մարթինը` համայն Իրլանտայի առաջնորդ։ Եպիսկոպոսական համահաւաք դասը ունի 5 կեդրոնական խորհուրդներ` դաստիարակութեան եւ կաթողիկէ կազմաւորումի խորհուրդը, հովուական խնամակալութեան խորհուրդը, ծրագրութեան եւ հաղորդակցութեան խորհուրդը, ընկերային ու միջազգային հարցերու խորհուրդը եւ ծէսին, հովուական խնամակալութեան նորոգումի ու հաւատքի զարգացումի խորհուրդը։

17/01/2017 09:02