Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Ֆրանչիսկոս Քահանայապետ \ Գործունէութիւն

Ֆրանչիսկոս Պապին ցաւակցութիւնը Քոլոմպիայի մէջ տեղի ունեցած օդանաւային աղէտի զոհերուն։

Աղօթքի հսկում զոհերու դիտաւորութեան - EPA

30/11/2016 09:31

(Ռատիօ Վատիկան) Երեքշաբթի 29 նոյեմբերին (Հռոմի ժամով առաւօտեան 4-ին) 81 ճամբորդ փոխադրող օդանաւ մը ջախջախուեցաւ Քոլոմպիոյ մէջ: Օդանաւին մէջ կը գտնուէին ''Շափեքոյենսէ''-ի ոտնագունդի խումբն ու անձնակազմը, ինչպէս նաեւ` հաւատարմագրուած լրագրողներ եւ  անձնակազմի 9 անդամները։  

Ֆրանչիսկոս Սրբազան Քահանայապետը իմանալով դէպքին լուրը, Կարդինալ Փարոլինի ստորագրութիւնը կրող ցաւակցական հեռագիրեր  յղեց Պրազիլիայի առաջնորդ` գերապայծառ Սերճօ Ռոքայի Քոլոմպիայի  Սոնսոն Ռիոնեկրօ թեմի առաջնորդ գերապայծառ Ֆիտել Լէոն Քատավիտ Մարինին  որոնց մէջ իր ցաւակցութիւններ յայտնեց ննջեցեալներու ընտանեկան պարագաներուն ինչպէս նաեւ վստահեցուց  իր մօտիկութիւն ու մասնակցութիւնը այդ կորուստի ցաւին։

Նորին Սրբութիւնը միեւնոյն ատեն ողորմութեան Աստուծմէ հայցեց մխիթարութիւն ինչպէս նաեւ քրիստոնէական քաջութիւն ու յոյս բոլոր անոնց որոնք զոհ եղան աղէտին, ապա իր առաքելական օրհնութիւնը ջամբեց բոլոր անոնց որոնք տառապանքի ու ցաւի մէջ գտնուին։

30/11/2016 09:31