Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Վատիկան \ Միջոցառումներ

Կարդինալ Փարոլինի զեկոյցը Պենետիկտոս ԺԵ մասին։

Պենետիկտոս ԺԵ Քահանայապետ

03/11/2016 15:30

(Ռատիօ Վատիկան) Հինգշաբթի 3 նոյեմբեր 2016-ին Իտալիոյ Պոլոնիա քաղաքին մէջ տեղի ունեցաւ  Պենետիկտոս ԺԵ Քահանայապետի նուիրուած միջազգային զեկոյց մը` որուն բնաբանն էր  ''Ճաքոմօ Տելլա Քիեզա Քահանայապետը, անիմաստ կոտորածի աշխարհին մէջ''։

Վերոնշեալ հաւաքին իր մասնակցութիւնը բերաւ նաեւ Վատիկանի պետական Քարտուղար` կարդինալ Փիեթրօ Փարոլին  որ այս առթիւ ունեցած ելոյթին մէջ մատնանշեց Պենետիկտոս ԺԵ Քահանայապետի համաշխարհային առաջին պատերազմի ժամանակահատուածի ընթացքին ունեցած կարեւոր դերին ու գործունէութեան, անդրադարձ կատարելով` պատերազմը կասեցնելու անոր տածած ջանքերուն ու խաղաղութեան ի սպաս անոր որդեգրած դիրքորոշումներուն։

Արդարեւ Երջանկայիշատակ Քահանայապետը առաջին համաշխարհային պատերազմը որակած էր ''Անիմաստ կոտորած''։ Ան եղաւ խաղաղութեան իսկական մարգարէ մը - հաստատեց Վատիկանի Պետական քարտուղարը զեկոյցին մէջ հուսկ անդրադարձ կատարեց նաեւ երջանկայիշատակ Պենետիկտոս ԺԵ Քահանայապետի վկայութեան` 1915-ին հայերու կոտորածին եւ ոչնչացումի գործողութեան ծիրէն ներս։

''Ան, ըսաւ կարդինալ Փարոլին, ստիպուած եղաւ ականատես ըլլալ սարսափին...Ան փորձարկեց աշխարհի  խուլութիւնը  ''ցեղային մաքրագործումին'' դիմաց որ ոչնչացուց հայերը­, որոնք նկարագրուած էին որպէս Ռուսական կայսերապաշտութեան գործակալներ, ու հալածուած էին այնպիսի դաժանութեամբ որ Քահանայապետը` 1915 Ծննդեան շրջանին, այդ մէկը որակեց ''ոչնչացում''։

03/11/2016 15:30