3-5 նոյեմբեր 2016-ին Ժողովրդային շարժումներու երրորդ հանդիպում։

(Ռատիօ Վատիկան) Յառաջիկայ 3-5 նոյեմբեր 2016-ին Հռոմի մէջ նախատեսուած է Ժողովրդային շարժումներու համաշխարհային երրորդ հանդիպումը որուն ներկայացումը կատարուեցաւ այսօր` ուրբաթ 28 հոկտեմբերին, Սուրբ Աթոռի մամլոյ գրասենեակի Յովհաննէս Պօղոս Բ անուան դահլիճին մէջ։  

Վերոնշեալ հանդիպումի ներկայացման առթիւ ելոյթ ունեցան Կարդինալ Փիթըր Թուրքսոն` Արդարութիւն եւ Խաղաղութիւն Քահանայապետական խորհուրդի նախագահը եւ Տոքթ Խուան Կրապուա` վերոնշեալ ժողովին խորհրդատու ու ''բացառուած աշխատաւորներու'' շարժումի համահիմնադիր։