Ֆրանչիսկոս Պապ հանդիպած է ''Facebook''-ի հիմնադիր Մարք Զուքերպերկի հետ։

(Ռատիօ Վատիկան) Սուրբ Աթոռի մամլոյ գրասենեակի տնօրէն` Տիար Կրէկ Պուրք յայտարարութեամբ մը հանդէս եկած է տեղեկացնելով թէ ''Այսօր (29 օգոստոսին) Սրբազան Քահանայապետը`  ընդունած է Մարք Զուքերպերկը` ''Facebook''-ի հիմնադիր ու գործադիր տնօրէնը, որուն կ՛ընկերանար անոր տիկինը` Փրիշիլլա Ջան''։

''Անոնք զրուցեցին թէ ինչպէս օգտագործել հաղորդակցութեան արուեստագիտութիւնը, մեղմացնելու համար աղքատութեան երեւոյթը ու քաջալերելու հանդիպումի մշակոյթ մը ու հասցնելու յոյսի պատգամ մը, յատկապէս ոչ բարենպաստ կեանք ապրող մարդոց'' յայտարարած է միշտ Սուրբ Աթոռի մամլոյ գրասենեակի տնօրէնը։