Ընկերային ցանցեր:

RSS:

Ռատիօ Վատիկան

Քահանայապետի եւ Եկեղեցւոյ ձայնը աշխարհի հետ երկխօսութեան մէջ

Լեզու:

Եկեղեցի \ Եկեղեցին հայկական

Լոյս տեսած Է «Մատեան Ողբերգութեան» աղօթամատեանի գրաբար-աշխարհաբար հանդիպադիրը

Սուրբ Գրիգոր Նարեկացի - RV

11/01/2016 13:07

Լոյս տեսած է «Մատեան ողբերգութեան» աղօթամատեանի գրաբար-աշխարհաբար հանդիպադիրը:

Ինչպէս «Արմենփրես»-ը կը տեղեկացնէ՝ վկայակոչելով պատմաբան, հասարակական գործիչ, հրապարակագիր Ռաֆայէլ Համբարձումեանին, գիրքը եզակի եւ աննախադէպ  հրատարակութիւն մըն է, որ այսօր «Նարեկ»-ով բուժուիլ ցանկացողներուն մեծապէս պէտք է օգնէ բուժուելու ոչ թէ երկի աշխարհաբար, այլ բնագիր տարբերակը կարդալով:

Աղօթամատեանի գրաբար լաւագոյն հրատարակութիւնը կը համարուի 1774 թուականին Կոստանդնուպոլսոյ մէջ լոյս տեսածը, որը տպագրուած է Գրիգոր Նարեկացիի գրչագիրէն:

Հայագէտ Աշոտ Պետրոսեան այդ հրատարակութիւնը վերածած է աշխարհաբարի`թարգմանութիւնը զետեղելով բնագրին դիմաց: «Նարեկ»-ի այս փոխադրութիւնը աննախադէպ է, քանի որ Աշոտ Պետրոսեանը բնագրի այն հատուածները, յատկապէս բառերը եւ հասկացութիւնները, որոնք այսօրուան ընթերցողին հասկանալի են, թողած է գրաբար:

Հրատարակութիւնը կը դառնայ գրաբարը դպրոցներու մէջ ներմուծելու քայլերուն օժանդակող գործօն:

 

11/01/2016 13:07