Ֆրանսայի նախագահ Ֆրանսուա Օլանտ այսօր` Նոյեմբեր 30-ին, տեղի ժամանակով 11.00-ին կը բանայ կլիմայի հարցերով ՄԱԿ-ի համաշխարհային համաժողովը:
Բացումը տեղի կ՝ունենայ Փարիզի Լը Պուրժէ օդակայանի տարածքին, որ այդ օրերուն յայտարարուած է ՄԱԿ-ի տարածք: Համաժողովին կը մասնակցին աւելի քան 150 երկիրներու առաջնորդներ, որոնց կարգին՝ ՀՀ նախագահ Սերժ Սարգսեանը:
Հաշուի առնելով զեկոյցներու աննախադէպ թիւը, որոշում կայացուած է զանոնք ներկայացնել զուգահեռաբար երկու դահլիճներու մէջ: Համաժողովի սկիզբը պատուիրակութիւններու անդամները պիտի յարգեն Նոյեմբեր 13-ին Փարիզի ահաբեկչութիւններու զոհերու յիշատակը:
Համաշխարհային համաժողովը պիտի տեւէ Մինչեւ Դեկտեմբեր 11, որուն իբրեւ արդիւնք պիտի ստորագրուի նոր միջազգային համաձայնագիր, որ 2020 թուականէն պիտի փոխարինէ Գիոդոյի արձանագրութիւնը: Համաժողովին նպատակն է համաձայնութեան գալ այնպիսի քայլերու շուրջ, որոնք թոյլ պիտի տան զսպել երկրագունդի ջերմաստիճանի բարձրացումը 2 աստիճանի սահմաններու մէջ:
All the contents on this site are copyrighted ©. |