Կաթողիկէ եկեղեցին Ուկանտայի մէջ

17 փետրուար 1879-ին, Հայր Լուրտէլ եւ Հայր Արմանս, Թանզանիայէն ժամանած առաջին երկու ''Ճերմակ'' կոչուած կղերականները կը հասնին Ուկանտայի Էնթէպպէ քաղաք։

1882-ին, Ժամանակաւոր կերպով , երկու կղերականները կը քաշուին Էնթէպպէն, աշխարականները կը շարունակեն Քարոզել Աւետարանը։

1888-ին, Քրիստոնեաներու դէմ հալածանքը սկիզբ կ՝առնէ եւ ասոր պատճառով կը նահատակուին 22 կաթողիկէ հաւատացեալներ` որոնք երանելի կը հռչակուին 1920-ին ապա 1964-ին կը դասուին Սուրբերու շարքին։

1894-ին։ Ուկանտա մուտք կը գործեն ''Միլ Հիլ''ի Սուրբ Յովսէփ  ընկերակցութեան միսիոնարները։

1908-ին։ Կը հիմնադրուի առաջին Ափրիկեցի մայրապետներու միաբանութիւնը։

1910-ին։ Քամպոնիան միաբանութեան միսիոնարները կը հասնին Ուկանտա եւ անոնց կը յանձնուի երկրի հիւսիսային շրջանը։

1939-ին կը կատարուի առաջին եպիսկոպոսի օծման արարողութիւնը։

1953-ին կը հիմնադրուի կաթողիկէ եկեղեցւոյ նուիրապետութիւնը։

1969-ին, Ուկանտայի մէջ տեղի կ՝ունենայ առաջին  Ափրիկէի եպիսկոպոսաց գիտաժողովը երանելի Պօղոս Զ Քահանայապետին ներկայութեամբ։

1976-ին. Քամփալա թեմի արքեպիսկոպոս՝ Գերապայծառ Էմմանուէլ Նսուպուկա կը ստանայ կարդինալական տիտղոս։

1993-ին, Սուրբ Յովհաննէս Պօղոս Բ քահանայապետ առաքելական ճամբորդութիւն կը կատարէ Ուկանտա, որուն ընթացքին ՝՝Ուկանատացի Նահատակաց՝՝ անուան Սրբավայրին կը շնորհէ Փորքիկ տաճարին տիտղոսը։

16 նոյեմբեր 1994-ին Քամփալա թեմի արքեպիսկոպոս գերապայծառ Վամալա կը դառնայ կարդինալ։

Ուկանատայի բնակչութեան թիւն է 36.497.000, որուն 47 առ հարիւրը կաթողիկէներ են։

Քամփալայի թեմը

Ուկանտայի  մայրաքաղաքն է Քամփալա –ն, եւ բնակչութեան թիւը 4.065.558, որոնցմէ 1, 704.335 կաթողիկէ են.

Քամփալա Մայրաքաղաին մէջ Կաթողիկէ եկեղեցւոյ թեմը հիմնուած է 5 օգոստոս 1966-ին։ Ան կազմակերպուած է 54 ժողովրդապետութիւններէ,եւ ունի այլ  5 եկեղեցի կամ միսիոնարական կեդրոններ, այնտեղ կը գործեն  273 թեմական քահանաներ, 272 կրօնաւորներ, 641 կրօնաւորուհիները։ Թեմը ունի նաեւ 392 դաստիարակչական հաստատութիւններ եւ 66 բարեսիրական կեդրոններ։

Թեմին արքեպիսկոպոսն է Գերապայծառ Չիփրիան Քիզիթօ Լվանկա։