Էքուատոր. Ֆրանչիսկոս Քահանայապետին 6 յուլիսի յայտագիրը

(Ռատիօ Վատիկան) Երկուշաբթի 6 յուլիս 2015-ին, Ֆրանչիսկոս Քահանայապետին Էքուատոր կատարած առաքելական ճամբորդութեան երկրորդ օրուայ յայտագիրը, սկիզբ կ՛առնէ տեղական ժամով 8-ին (իտալիոյ ժամով 15-ին) Կուայաքիլի թեմի ու թեմին մէջ գտնուող Աստուածային ողորմութեան սրբավայրին այցելութեամբ։

Ֆրանչիսկոս Պապը Քիթոյի օդակայան կը փոխադրուի առաւօտեան 8-ին (տեղական ժամով) ուղտերէն ժամը 9-ին (տեղական ժամով) կը մեկնի դէպի Կուայաքիլ ուր կը ժամանէ  9.50ին (Հռոմի ժամով 16.50)  եւ անմիջապէս կը փոխադրուի Կուայաքիլի Աստուածային ողորմութեան ազգային սրբավայր ուր յատուկէն կ՛աղօթէ։

Աստուածային ողորմութեան սրբավայրի այցելութենէն ետք Ֆրանչիսկոս Պապը կ՛ուղղուի `Կուայաքիլի ''Փարք Տէ Լոս Սամանէս'' այգի ուր այգիի տարածքին` տեղական ժամով 11,45-ին (Հռոմի ժամով 18,45-ին) ընտանիքներուն նուիրուած բացօթեայ սուրբ պատարագ կը մատուցէ­, որուն աւարտին կէսօրուան սիրոյ ճաշը կը բաժնեկցի Կուայաքիլի Յիսուսեան Միաբանութեան  եղբայրակիցներուն հետ, ''Քոլլեճօ Խավիէ'' Յիսուսեաններու կեդրոնին մէջ որ հիմնուած է 1956-ին։

Եղբայրական ագապի աւարտին, որուն իրենց մասնակցութիւնը կը բերեն 20 Յիսուսեան միաբանակից հայրեր, հակիրճ հանգիստէ մը ետք Նորին Սրբութիւնը կը փոխադրուի Կուայաքիլի ''խօսէ Տէ Օլմետօ'' միջազգային օդակայան վերադարձ կատարելու Քիթօ­, ուր տեղական ժամով 19-ին (Հռոմի ժամով առաւօտեան կանուխ 2-ին) այցելութիւն կը կատարէ երկրին նախագահին ու ապա ԺԶ դարու կառուցած` Քիթոյի Մայր Տաճարը, որ կը գտնուի նախագահական պալատին կից ''Բլազա Մաեոր'' կոչուած հրապարակին վրայ, ուր Սրբազան Հայրը ողջոյնի խօսք մը կ՛արտասանէ այնտեղ համախմբուած հաւատացեալներուն։