«Ինթըրֆաքս» կը հաղորդէ, որ շուրջ 17 հազար մարդ Աթէնքի եւ Թեսաղոնիկէի մէջ փողոց դուրս եկած են` բողոքելով միջազգային վարկատու «եռեակ»-ի առաջարկներուն դէմ:
Ցուցարարները Միջազգային դրամական ֆոնտը, Եւրոպական կեդրոնական դրամատունն ու Եւրոպական յանձնաժողովը կը մեղադրեն «Յունաստանը շանթաժի» ենթարկելու համար:
Նախորդ շաբաթ Եւրոյի գօտիի ելեւմուտքի նախարարներու խորհուրդը որոշում տուած էր չերկարաձգելու Յունաստանին յատկացուող օգնութեան ծրագիրի գործողութեան ժամկէտը, որ վերջ գտաւ երէկ:
Յունաստան կը պատրաստուի 5 յուլիսին կայացնել հանրաքուէ մը, որուն ընթացքին քաղաքացիները պէտք է քուէարկեն վարկատուներու պայմաններուն դէմ կամ թեր: Յունաստանի վարչապետ Ալեքսիս Ցիփրաս երէկ յայտարարեց, որ պիտի հրաժարի վարչապետի պաշտօնէն, եթէ քաղաքացիներուն մեծամասնութիւնը նշեալ պայմաններուն թեր քուէարկէ:
All the contents on this site are copyrighted ©. |