(Ռատիօ Վատիկան) Պիոս ԺԲ քահանայապետի ընկերակցութեան ''Papa Pacelli'' կոմիտէն եւ Յիսուսեաններու գաղթականներու ծառայութեան Ասթալլի իտալական հաստատութիւնը կազմակերպած են գիտաժողով մը որուն բնաբանն է ''Սուրբ Աթոռը, փախստականները եւ ռազմագերիները, Փաչելլի Քահանայապետին աշխատանքը'' եւ որ տեղի կ՛ունենայ ուրբաթ 29 Մայիսին։
Աշխատանքային նիստերու բացումը կը կատարէ Կարդինալ Անթոնիօ Մարիա Վելիոն` Գաղթականներու եւ փախստականներու հովուական խնամակալութեան Քահանայապետական խորհուրդի նախագահը։
Յայտագիրը կը նախատեսէ նաեւ միջամտութիւններ հայող Պիոս ԺԲ քահանայապետի յանձնառումին` ի սպաս փախստականներուն եւ պատերազմի գերիներուն, զոր կը ներկայացնէ Ֆրանչիսկեան Հայր Ճուլիօ Չերքիեթթի ու ապա զրոյց Ֆրանչիսկոս Պապին յանձնառումին` ի սպաս գաղթականներուն զոր կը ներկայացնէ Յիսուսեան Հայր Քամիլլօ Ռիփամոնթին։
Ելոյթ կ՛ունենան նաեւ Տիար Մասսիմիլանօ Վալենթէ որ պիտի ներկայացնէ Վատիկանի` ռազմագերիներու տեղեկատուական գրասենեակի գործունէութիւնը։
All the contents on this site are copyrighted ©. |