Քահանայական ձեռնադրութիւն. Ս. Ղազարի մէջ։

(Ռատիօ Վատիկան) Աստուծոյ կամքով եւ Տիրամօր բարեխօսութեամբ, Մխիթարեան Միաբանութեան երկու Սարկաւագ Եղբայրները՝ Տէր Անտոն (Զակքէոս) Գրիգորեան (Ծինուբան) եւ Տէր Գէորգ (Սարգիս) Սարգսեան (Սուխլիս), քահանայական Սուրբ Օծում պիտի ստանան Հոգեգալստեան տօնին օրը՝ Կիրակի 24 Մայիս 2015-ին, ժամը 11:00ին, Վենետիկի Մխիթարեան Մայրավանք Ս. Ղազարի մէջ, ձեռամբ Գերաշնորհ Ռաֆայէլ Արքեպիսկոպոս Մինասեանի:

Սրբազան արարողութիւնը ուղիղ եթեր պիտի հեռասփռուի համացանցով, հետեւեալ հասցէի վրայ. https://youtu.be/n7esZZdyBeo

Այս շնորհաբեր օրը մեր աղօթքներով ընկերակցինք նորօծ քահանաներուն, դէպի Աստուծոյ Սուրբ Խորան: