Ոչ եւս է Զմմառու միաբանութեան անդամ հայր Սարգիս Ծ.Վ Ուզունեան

Զմմառու պատրիարքական Միաբանութիւնը ցաւօք սրտի կը գուժէ թէ Հ. Սարգիս Ծ.Վ. Ուզունեան, անդամ Զմմառու Միաբանութեան, հանգեաւ ի Տէր սուրբ եկեղեցւոյ խորհուրդներով զօրացած՝ Երկուշաբթի 4 Մայիս 2015-ին, Աւստրալիոյ Մելպուրն քաղաքին մէջ:
Հանգուցեալը ծնած էր Հաճըն 22 Ապրիլ 1922-ին: 
Զմմառու վանքը իր նախնական ուսումը աւարտելէ ետք մեկնած է Հռոմի Լեւոնեան Քահանայապետական Վարժարան, ուր հետեւած էր իմաստասիրութեան և աստուածաբանութեան դասընթացքներու: 
Քահանայ ձեռնադրուած էր Հռոմ 1 Ապրիլ 1945-ին: 
Պաշտօնավարած էր Զահլէ, Յորդանան ապա երկար տարիներ Աւստրալիոյ Սիտնի և Մելպուրն քաղաքները որպէս հոգեւոր հովիւ:

Աւստրալիայի Հայ Կաթողիկէ Համայնքի Հովիւ` Գերյ. Բարսեղ Վրդ. Սուսանեան կը տեղեկացնէ թէ հանգուցեալին յուղարկաւորութեան արարողութիւնը տեղի կ՛ունենայ Կիրակի` 10 Մայիս 2015-ի առաւօտեան ժամը 11-ին Սիտնէյի Աստուածամօր Վերափոխման մայր տաճարին մէջ մինչ երջանկայիշատակ Քահանային աճիւնները պիտի փոխադրուին Լիբանան, ու պիտի զետեղուին Զմմառու Մայրավանքի գերեզմանատան մէջ։

Յիշատակն արդարոց օրհնութեամբ եղիցի։