Պան Քի Մուն Վատիկանի մէջ բացումը կը կատարէ Կլիմայի մասին կլոր սեղանին։
(Ռատիօ Վատիկան) ՄԱԿի ընդհանուր քարտուղար` Պան Քի Մուն ի պատրաստութիւն ''Կլիմայի'' նիւթին մասին, Փարիզի մէջ կայանալիք միջազգային ժողովին, 28 Ապրիլ 2015-ին Վատիկանի մէջ բացումը կը կատարէ կլոր սեղանի մը բնապահպանութեան նիւթին մասին` ''պաշտպանել երկրագունդը, արժանավայել դարձնել մարդկութիւնը'' վերտառութեամբ։
Միօրեայ կլոր սեղանը նախաձեռնուած է քահանայապետական գիտութեանց կաճարի կողմէ, որուն ընթացքին խօսք պիտի առնեն ի մէջ այլոց կարդինալ Փիթէր Թուրքսոն նախագահը արդարութիւն եւ խաղաղութիւն քահանայապետական խորհուրդին եւ տնտեսագէտ ամերիկացի Ճեֆֆերի Սաքս որ միաժամանակ ՄԱԿի մօտ խորհրդատու է։
Հռոմ կեցութեան ընթացքին, ՄԱԿի ընդհանուր քարտուղարը հանդիպում պիտի ունենայ ֆրանչիսկոս Քահանայպետին, Իտալիոյ նախարարապետ Մաթթէօ Ռէնցիին ու Եւրոպայի միութեան արտգործ նախարար` տիկին Ֆետերիքա Մոկերինիին հետ, միասնաբար խորհրդակցելու գաղթականներու հարցին շուրջ։
| All the contents on this site are copyrighted ©. |