Սուրբ Գրիգոր Նարեկացին` Կաթողիկէ Տիեզերական եկեղեցւոյ ''Վարդապետ'

(Ռատիօ Վատիկան)Շաբաթ, 21 փետրուար 2015-ին, Ֆրանչիսկոս Սրբազան Քահանայապետը առանձնական ունկնդրութիւն շնորհեց Սուրբերու դատի ժողովի կառավարիչ` Կարդինալ Անճէլօ Ամաթոյին եւ ունկնդրութեան ընթացքին վաւերացուց Սուրբերու դատի ժողովի կարդինալական դասին եւ եպիսկոպոսներուն լիանիստ գումարի դրական վճիռը` ''Տիեզերական եկեղեցւոյ վարդապետի տիտղոսը'' շնորհելու` Սուրբ Գրիգոր Նարեկացիին, հայ միջնադարեան հոգեւորական, աստուածաբան, բանաստեղծ, երաժիշտ եւ փիլիսոփայ։ Նարեկացին համարուած է հայ գրականութեան վերածնունդի հիմնադիրը։Անոր ամենէն յայտնի ստեղծագործութիւնն է «Մատեան Ողբերգութեան»ը, որ աւելի հանրածանօթ է իբր «Նարեկ» աղօթագիրք:
Անոր կեանքի ու կենսագրութեան մասին շատ քիչ տեղեկութիւններ պահպանուած են։ Յայտնի է որ Գրիգոր Նարեկացին ծնած է վասպուրական նահանգի Ռշտունի գաւառին մէջ, Վանայ Լիճի հարաւային ափերը գտնուող` Նարեկ գիւղին մէջ, մօտաւորապէս ` 951 թուականին։ Ան Անձևացի գաւառի Խոսրով Եպիսկոպոսին որդին էր։
Մանուկ հասակին, Գրիգոր Նարեկացին յաճախեց Ռշտունեաց աշխարհի Նարեկ գիւղի վանքը, ուր իր եղբօրը հետ միասին դաստիարակութիւն ստացան Անանիա Նարեկացիի կողմէն։Ուսումը աւարտելէ ետք Սուրբ Գրիգոր Նարեկացին վարդապետ ձեռնադրուած է Նարեկա վանքին մէջ եւ ստացած է վանքին Նարեկ անունը։
Սուրբ Գրիգոր Նարեկացին վախճանած է 1003 թուականին և անոր մարմինը թաղուած է Նարեկի վանքին մէջ։ Անոր գերեզմանը երկար ժամանակ ուխտատեղի է եղած է շրջակայ հայ բնակչութեան համար, մինչեւ 1915 թուական երբ Նարեկավանքը, Հայոց Ցեղասպանութեան ժամանակ, հիմնովին կը քանդուի։