ԱՄՆ ծերակուտականները առաջարկած են Իրաքի մէջ Քրիստոնէական ինքնավարութիւն ստեղծել
ԱՄՆ ծերակուտականները առաջարկած են Իրաքի` Նինուէի դաշտավայրին մէջ, քրիստոնեաներու համար
ինքնավար գաւառ մը ստեղծել: 17 ծերակուտականներ ԱՄՆ ԱԳ նախարար Ճոն Քերրիին դիմած
են նամակով, որով ամերիկեան իշխանութիւններէն պահանջած են նպաստել այս շրջանին մէջ ասորիներու
եւ քրիստոնէական այլ փոքրամասնութիւններու հետապնդումներու դադրեցման: Այս մասին կը հաղորդէ
News.am-ը՝ վկայակոչելով իրաքեան Shafaq News գործակալութիւնը: ՌԻԱ Նովոսթիի փոխանցմամբ,
2014 թուականին «Իսլամական պետութեանէ (ԻՊ) զինեալները Նինուէի դաշտէն դուրս մղեցին կրօնական
փոքրամասնութիւններու ներկայացուցիչները: Հարկադիր տեղահանուածները շուրջ 200 հազարն
էին, որոնք ստիպուած եղան բնակութիւն հաստատել Իրաքեան Քուրտիստանի մէջ: