(Ռ.Վ 20 դեկտեմբեր 2014) ՄԱԿի համաժողովը 2005 տարւոյն Դեկտեմբերի 22ին
ճանչցաւ ''զօրակցութիւնը'' իբր տիեզերական հիմնական արժէքներէն մէկը, որ պէտք է ամրացուած
ըլլայ 21րդ դարու ժողովուրդներու յարաբերութեան հիմքին մէջ, եւ այս նպատակով որոշեց իւրաքանչիւր
տարուան Դեկտեմբերի 20ը հռչակել Մարդկային Զօրակցութեան Միջազգային Օր։ Օրուան նպատակն
է չքացնել աղքատութիւնը եւ զարկ տալ մարդկային եւ ընկերային զարգացման՝ այն երկիրներուն
մէջ, որոնք զարգացման ճանապարհի վրայ կը գտնուին, յատկապէս իրենց բնակչութեան ամենէն
աղքատ հատուածներուն մէջ։