Երեքշաբթի, 22 հոկտեմբեր 2014-ին, Քանատայի մայրաքաղաք Օթաուայի մէջ տեղի ունեցաւ հրացանաձգութիւններու
շարք մը, որուն ընթացքին զինուոր մը սպաննուեցաւ եւ արձանագրուեցան վիրաւորներ: Դէպքը
պատահեցաւ Քանատայի կողմէ ահաբեկչական սպառնալիքի հաւանականութեան մակարդակի բարձրացումէն
ժամեր ետք: Նշենք, որ երկուշաբթի օր զինուոր մը սպաննուած էր, երբ իսլամացած անձ մը դիտաւորեալ
կերպով ինքնաշարժը քշած էր զինուորներու վրայ: Զոհին կողքին արձանագրուած էր վիրաւոր
մը: Յարձակումները ընթացք առին պատերազմի ազգային յուշակոթողին մօտ, ապա փոխադրուեցան
խորհրդարանին եւ առեւտրական համալիրի մը մէջ: Աւելի ուշ քանատական լրատուամիջոցները
հաղորդեցին, որ ոստիկանութիւնը յաջողած է սպաննել զինեալը: Ամերիկացի պաշտօնատար մը հաղորդեց,
որ Օթաուայի միջադէպէն ետք ամերիկեան¬քանատական օդային պաշտպանութիւնները պատրաստ վիճակի
մէջ դրուած են: