Անցեալ Կիրակի, 21 Սեպտեմբեր 2014-ին, Զմմառու պատմական վանք այցելած է` Յիսուսեան Միաբանութեան
«La Civiltà Cattolica - Կաթողիկէ Քաղաքակրթութիւն» ամսաթերթի երկարամեայ նախկին տնօրէն
և բազմավաստակ գրող՝ Հ. Ճան Փաոլօ Սալվինի, ընկերակցութեամբ՝ Զալքայի Ս. Խաչ Հայ Կաթողիկէ
Եկեղեցւոյ Ժողովրդապետ՝ Հ. Սեպուհ Վրդ. Կարապետեանի: Այս մասին կը տեղեկացնէ Զմմառու
վանքի կայքէջը։ Յարգոյ հիւրը շրջագայեցաւ վանքիս զանազան բաժանմունքները՝ Մայր Տաճարը,
Տիրամայր Զմմառու Մատուռ, ապա գանձատուն-Թանգարանը և մեծ յուզումով ականատես եղաւ Զմմառու
վանքի մշակութային և պատմական արժէքներուն: Իր այցելութեան աւարտին՝ Հ. Սալվինի բարձր
գնահատեց Զմմառեան միաբանութեան գոծունէութիւնը եւ հոգեպէս նորոգուած, քաղցր յիշատակներով
մեկնեցաւ Զմմառու վանքէն: