ՀՀ Սփիւռքի նախարարը պարգեւատրեց Տիար Միքայէլ Ճենճեանը ''Մայրենիի Դեսպան'' ի շքանշանով։

Հայաստան-Սփիւռք 5-րդ համագումարի աւարտին, 23 Սեպտեմբերին, ՀՀ Սփիւռքի նախարար՝ տիկին Հրանուշ Յակոբեան ''Մայրենիի Դեսպան'' ի մետալով պարգեւատրեց Ռատիովատիկանի հայկական բաժնի նախկին տնօրէն՝ Տիար Միքայէլ Ճենճեանը, գնահատելով անոր լրագրողական, հասարակական, ընկերային եւ մայրենի լեզուի պահպանման եւ սերունդներուն հայեցի կրթութեան տարած գործն ու Հայաստան-Սփիւռք գործակցութեան զարգացման աշխատանքները:

Իր խօսքին մէջ տիկին նախարարը խօսեցաւ Վատիկանի Ձայնասփիւռի հայկական բաժնի առաքելութեան կարեւորութեան մասին, յիշելով որ տիար Ճենճեան աւելի քան 25 տարի տնօրէնը եղած է սոյն բաժնին։ Նաեւ յիշեց թէ ան արդէն արժանացած է քահանայապետական ''Ս. Սեղբեստրոս Պապի հրամանատարի՝՝ շքանշանին, ու նաեւ Տանն Կիլիկիոյ Կաթողիկէ Հայոց` կաթողիկոս - Պատրիարքի՝ ''Ս. Գրիգոր Նարեկացի'', շքանշանին։
Այս առթիւ Պրն Ճենճեան երախտագիտական ու շնորհակալական իր խօսքը ուղղեց Սփիւռքի նախարարին յայտնելով, որ ինք նոյն ոգիով ու սէրով պիտի շարունակէ աշխատիլ ու ծառայել ազգին ու եկեղեցւոյ։