2014թ. Մարտի 19-ին Երևանում հիմնուեց Հայաստանի Քրիստոնեայ Կանանց ֆորումը, որը բնոյթով
էքիւմենիք բարեգործական հասարակական կազմակերպութիւն է։ Այս ֆորումին անդամակցում են
Հայաստանի Առաքելական, Կաթողիկէ, Օրթոտոքս, Աւետարանական և Ասորի եկեղեցիների կանայք,
որոնք միաւորուել են ի սէր Քրիստոսի հասարակութեանը ծառայելու գործին։ Ֆորումի նախագահն
է Մարիաննա Ապրեսյանը՝ մասնագիտութեամբ աստուածաբան։ Ֆորումը հասցրել է իրականացնել մէկ
փոքրիկ ծրագիր Հայ Աւետարանական եկեղեցու հետ միասին, որ է ամառնային ճամբարի կազմակերպումը։
Սոյն թուականի յունիսի 16-27-ը, առաջին անգամ կազմակերպուել է ----- մանկական ճամբար,
որին մասնակցում էին Առաքելական, Կաթողիկէ, Յոյն Օրթոտոքս և Աւետարանական եկեղեցիների
երեխաները։ Այս ծրագիրն ուղեկցուել է խաղերի, պարերի, թատերական բեմականացումի և Սուրբ
Գրքի ընթերցման կազմակերպմամբ։ Ծրագիրն այնքան արդիւնաւէտ է եղել, որ այն ունեցել է իր
երկրորդ փուլը Հանքաւանի Շողիկ ճամբարում Յուլիսի 16-ից մինչև Օգոստոսի 6-ը։ Ֆորումի
գլխաւոր ծրագիրը Հայաստանում Սեռով պայմանաւորած վիժումի (ընտրական վիժում) դեմ պայքարն
է։ Այս ծրագիրը մեկնարկելու է հոկտեմբերի 11-ին՝ ՆԷ-ի՝ աղջիկ երեխայի տօնի առիթով և իրականացուելու
է Տաւուշի մարզի սահմանամերձ գիւղերում։ Ծրագրին մասնակցելու են ֆորումի բոլոր անդամ
կանայք, որոնք մասնագիտութեամբ բժիշկներ են, հոգեբաններ, սոցիալական աշխատողներ։ Ֆորումին
իրենց հոգևոր և քարոզչական աջակցութիւնն են տալու նաև Առաքելական, Կաթողիկէ, Աւետարանական
և Ասորի եկեղեցիների հոգևոր հայրերը։