Հայաստան – Սփիւռք համահայկական 5-րդ համաժողովը սկսաւ իր աշխատանքներուն

Երեւանի Ալեքսանտր Սպենդիարեանի անուան օփերայի եւ պալէի ազգային ակադեմական թատրոնին մէջ ,ուրբաթ, 19 սեպտեմբերին, սկսաւ Հայաստան-սփիւռք հինգերորդ համաժողովը, որուն ներկայ էին Հայաստանի վարչապետ Յովիկ Աբրահամեան, Լեռնային Ղարաբաղի Հանրապետութեան նախագահ Բակօ Սահակեան, Ամենայն հայոց Գարեգին Բ. կաթողիկոս, Մեծի Տանն Կիլիկիոյ Արամ Ա. կաթողիկոս, Հայ կաթողիկէ եկեղեցւոյ Ներսէս Պետրոս ԺԹ. կաթողիկոս-պատրիարք, Հայ աւետարանական համաշխարհային խորհուրդի նախագահ վեր. Հովել Միքայէլեան, Հայաստանի կառավարութեան անդամներն ու սփիւռքի 690-է աւելի կառոյցներու ներկայացուցիչներ: