Նախապէս խօսեցանք վիժումի
մասին, եւ ըսինք թէ անբարոյ է դիմել վիժումի: Երբ կ՛ըսենք թէ անբարոյ է դիմել վիժումի,
կ՛ակնարկենք ազատ ու կամաւոր վիժումին, որոշուած եւ իրագործուած մարդկային կամքով: Բնական
վիժումը ցաւալի իրողութիւն մըն է այն կնոջ համար, որ կը փափաքի մայրութիւնը. ասիկա չի
պարփակուիր բարոյական ծիրին մէջ, որովհետեւ ան մարդկային ազատ գործ չէ: Նախապէս կնրայ
տեղի ունեցած ըլլալ պատասխանատու պատճառ մը, որ առաջնորդած ըլլայ այնպիսի կացութեան մը,
որու հետեւանք ըլլայ բնական վիժումը: Ասիկա պէտք չէ մտատանջէ մեզ, երբ դիտաւորութիւնը
ուղիղ է եւ մեծ կարեւորութիւն ունի, որովհետեւ մեծ արժէք կը ներկայացնէ անձին համար.
կրնայ զայն ընտրել, նոյնիսկ երբ անձը գիտակից է որ կրնայ բնական վիժում առաջ գալ: Գոյութիւն
ունի այլ դիտաւորութիւն մը որ կը պարփակէ վիժումը, որ բարոյապէս օրինաւոր է. այսինքն
անուղղակի վիժումը: Երեւակայենք յղի մայր մը, արգանդի ուռեցքով: Մայրը ազատելու համար,
ուրիշ ելք չկայ եթէ ոչ հեռացնել արգանդը. բայց արգանդը կը պարունակէ մանուկը, որ գործողութեան
հետեւանքով մանուկը մահուան կրնայ ենթարկուիլ: Այս մայրը բարի դիտաւորութիւն ունի երբ
կը փափաքի ազատել իր կեանքը գործողութեամբ. երկուքն ալ արդար են` թէ վախճանը եւ թէ միջոցը:
միջոցը ուռեցք ունեցող արգանդին վերացումն է, ոչ` ծոցուորին մահը. եւ մօր ուզած վախճանը
իր կեանքին ազատութիւնն է, եւ ոչ` ծոցուորին մահը` Զաւակին մահը տեղի կ՛ունենայ ոչ
թէ մօրը յստակ դիտաւորութենէն, այլ` հիւանութեան անողոք հետեւանքէն: Աւելի յստակ
կերպով կրնանք եզրակացնել թէ, զաւակին մահը տեղի կ՛ունենայ , ցաւալի կերպով, այնու որ
մայրը թոյլ կու տայ գործողութեան ենթարկուելու: Հոս կը շեշտենք օրինաւոր վիժումին
երկու ձեւերուն վրայ ` բնական եւ անուղղակի), նոյնիսկ երբ ստէպ չեն պատահիր, բայց երկու
միտքեր կ՛արտայայտեն: Նախ եւ առաջ, Եկեղեցիէն դատապարտուած վիժումը անտրամաբանական,
նախապաշարուած, նախադատական, ընդհանրական հաստատուշ մը չէ: Եկեղեցին կը դատապարտէ վիժումը
միայն եւ միշտ, երբ գոյութիւն ունի սպաննելու յստակ կամքը: Ասկէ զատ, այն երկու թոյլատրուած
վիժումները կը նշեն թէ` Եկեղեցւոյ դիրքը բացարձակապէս կողմնորոշուած չէ պաշտպանելու մի
միայն մանուկը, եւ թէ կինը անձնական իրաւունքներ չունենայ պաշտպանելու համար նաեւ իր
կեանքը, երբ մայր կը դառնայ: Երբ կինը այդ արարքը կը գործէ առանց չար կամքի, լաւ կ՛ընէ
մտածելով իր մասին: Դժբախտաբար երբ կը մտածուի եւ կը գործադրուի վիժումը, ընդհանրապէս
կը վերագրուի ուղղակի եւ կամաւոր վիժումին, այսինքն վիրաբուժական գործողութեան որ կը
սպաննէ ծոցուորը: Վիժումին կը դիմուի իբրեւ յետին, ցաւալի որոշում, ստանալու համար
կամ պաշտպանելու ` ուրիշ կարեւոր արժէքներ: Բայց միշտ, ի վերջոյ փափաքուած է այդ վիժումը,
փափաքուած է իբրեւ միջոց, ոչ իբրեւ վախճան, բայց իրապէս փափաքուած: Ուստի, ուզել
սպաննել անմեղ մարդկային էակ մը, ինքնիր մէջ չարագործութիւն մըն է: