«Ռաշա Թուտէյ»` վկայակոչելով տագնապներէ ետք վերականգնումները գնահատող միջազգային ընկերութիւն
«Շելթըր Քլասթըր»-ը, կը գրէ, որ իսրայէլեան վերջին յարձակումներէն ետք Կազայի վերականգնումը
պիտի պահանջէ քսան տարի: Այս գնահատականը տրուած է այն նկատառումով, որ Կազայի մէջ
հազարաւոր շէնքեր աւերուած են: Ըստ Միջազգային կարմիր խաչին, եօթը շաբաթ տեւած յարձակումին
պատճառով 17 հազար տուն աւերուած կամ լրջօրէն վնասուած է: Առհասարակ 5046 քիլոմեթր
տարածութեան մէջ 1,8 միլիոն բնակչութիւն ունեցող Կազայի մէջ 75 հազար բնակարաններու կարիք
կայ: Պաղեստինի իշխանութիւնները Կազայի վերականգնումը գնահատած են վեց միլիառ տոլարով:
Սակայն վերականգնման կը խոչընդոտեն Իսրայէլի եւ Եգիպտոսի շրջափակումները: Իսրայէլ, օրինակ,
կտրուկ կերպով կ՛արգիլէ շաղախի եւ այլ շինանիւթերու ներածումը Կազա` եօթը տարի առաջ Համաս
շարժումին իշխանութեան գալէն ի վեր: