Սուրիացի գաղթականներուն թիւը գերազանցած է երեք միլիոնը։
ՄԱԿ-ի գաղթականներու հարցով բարձրագոյն գործակալութիւնը յայտարարած է, որ Սուրիոյ մէջ
ընթացող տագնապին պատճառով իրենց երկրէն փախուստ տուած սուրիացիներուն թիւը գերազանցած
է երեք միլիոնը: Գործակալութիւնը աւելցուց, որ միայն 2013-ին մէկ միլիոն սուրիացի հեռացած
է երկրէն: Գործակալութիւնը ընդգծեց նաեւ թէ այս թիւը չի ներառեր անոնք, որոնք երկրէն
փախուստ տուած են, սակայն գաղթականներու ցանկերուն վրայ չեն արձանագրուած: Միայն Լիբանանի
մէջ սուրիացի գաղթականներու թիւը հասած է 1,14 միլիոնի: Գաղթականներու ճամբարներ նոր
ժամանողները հիւծուած են եւ սարսափահար վիճակի մատնուած: Իւրաքանչիւր ութերորդ սուրիացին
գաղթական է: Սուրիոյ մէջ տեղահանուածներուն թիւը հասած է 6,5 միլիոնի:Աւելի քան երեք
տարիէ ի վեր ընթացող պատերազմին ընթացքին զոհերուն թիւը գերազանցած է 190 հազարը: