ՄԱԿ-ի մօտ Վատիկանի մնայուն դէտ, գերապայծառ Սիլվանօ Թոմազի իր մասնակցութիւնը բերելով,
24 – 31 օգոստոս, Ռիմինիի մէջ կայացած ''ժողովուրդներու միջեւ բարեկամութիւն'' հաւաքին,
յայտնեց թէ Ֆրաչիսկոս Քահանայապետի Իրաքի համար յատուկ պատուիրակ` Կարտինալ Ֆերնանտօ
Ֆիլոնի, կրնայ Իրաքեան առաքելութեան իր փորձառութեան վկայութիւնը փոխանցել ՄԱԿ-ի` մարդու
իրաւուքներու խորհուրդի յառաջիկայ նիստի ընթացքին որ տեղի պիտի ունենայ սեպտեմբեր 2014-ին։
Գերապայծառ Թոմազի յայտնեց նաեւ թէ մինչ այդ Արեւելքի Պատրիարքները եւս հանդիպում
պիտի ունենան քննարկելու Իրաքի տագնապը ու Քրիստոնեաներու իրավիճակը''։ Վատիկանի
դիւանագէտը Ռիմինիի հաւաքին ընթացքին ունեցած իր միջամտութեան մէջ վերակոչած է նաեւ
Արեւելքի Պատրիարքներու ՄԱԿ-ի, Արաբական լիկայի եւ այլ միջազգային մարմիններու ուշադրութեան
յանձնած առաջարկները` Զօրակցութիւն իրենց բնօրրանէն բռնագաղթած քրիստոնեաներուն: Հանդիպում
Վատիկանի մօտ պատկան պատասխանատուներուն հետ: Միջազգային ընտանիքէն պահանջ` ստանձնելու
իր պատասխանատուութիւնը։