''Հաղորդութիւն եւ Ազատագրում'' կոչուած շարժումի, ժողովուրդներու միջեւ բարեկամութեան
35-րդ հաւաքը։
''Դէպի աշխարհի եւ էութեան արուարձանները. Մարդու ճակատագիրը զինք մինակ չթողուց''։
24
– 30 օգոստոս 2014, Իտալիոյ Ռիմինի քաղաքին մէջ, տեղի կ'ունենայ ''Հաղորդութիւն ու ազատագրում''
կոչուած շարժումի 35-րդ հաւաքը որուն այս տարուայ բնաբանն է ''Դէպի աշխարհի եւ էութեան
արուարձանները. Մարդու ճակատագիրը զինք մինակ չթողուց''։ ''Ժողովուրդներու միջեւ բարեկամութիւն''
Ռիմինիի այս հաւաքը Իտալիոյ համար դարձած է ճշմարիտ հասատատութիւն մը, որուն կը մասնակցին
Իտալիոյ` քաղաքական, համալսարանական ու եկեղեցական բարձրաստիճան անձնաւորութիւններ, ինչպէս
նաեւ զանազան երկիրներէն հրաւիրուած հեղինակաւոր դէմքեր։ Այս տարուայ թեման ներշնչուած
է Ֆրանչիսկոս Քահանայապետի քրիստոնեաներու ուղղած հրաւէրէն` ''հանդիպիլ մարդուն, որեւէ
մէկ միջավայրի մէջ որ գտնուի, անոր մտահոգութիւններուն եւ աշխարհը յուզող ճգնաժամային
տագնապներուն գտնելու դրական հեռանկարներ ինչպէս` զանազան երկիրներու մէջ հալածուած քրիտոնեաներու
ապրած ողբերգութիւնը, համաշխահականացումի տնտեսութեան անապահովութիւնն ու ֆինանսական
նոր շահարկումներու սպառնալիքը, պատերազմներէն խուսափելու միտումով` ողջ ազգերու գաղթականութեան
երեւոյթը, ճնշումի եւ աղքատութիւն իրողութիւնը եւ միլիոնաւոր երիտասարդներու անգործութեան
եւ աշխատանքի պակասի իրականութիւնը։ Հաւաքը սկիզբ կ՛առնէ երկուշաբթի, 24 օգոստոս
2014-ին, Ռիմինիի արեքպիսկոպոս` գերապայծառ Ֆրանչէսքօ Լամպիազէի մատուցած սուրբ պատարագի
արարողութեամբ, որուն անմիջապէս կը յաջորդէ հաւաքի պաշտօնական բացումը եւ կլոր սեղանը,
որուն ընթացքին Սուրբ Երկրի պահակ` Հայր Փիէրպաթթիսթա Փիցցապալլա եւ ''Rainews24'' կայանի
տնօրէնուհի` Մոնիքա Մաճճոնի կը զրուցեն ''խաղաղութիւն եւ երկխօսութիւն'' նիւթին մասին։
Մէկ շաբաթ տեւող հարուստ յայտագիրը կը նախատեսէ հարիւր գիտաժողով, 14 ցուցահանդէսներ,
17 գեղարուսետական ներկայացումներ եւ 10 մարզական միջոցառումներ։