Համահայկական Կրթական 6րդ խորհրդաժողովին կը մասնակցին 134 մասնագէտներ՝ 19 երկիրներէ
ԵՐԵՒԱՆ, «Արմէնփրէս».– Տասնինը երկիրներէ աւելի քան 130 ներկայացուցիչներ 4-8 Օգոստոսին
Հայաստանի մէջ կը մասնակցին Հայաստանի կրթութեան եւ գիտութեան նախարարութեան կազմակերպած
Համահայկական կրթական 6րդ խորհրդաժողովին: Այս տարի խորհրդաժողովը նուիրուած է Հայոց
Ցեղասպանութեան 100 ամեակին ընդառաջ կազմակերպուող դպրոցական նախաձեռնութիւններու կայացման
եւ համապատասխան նիւթերու դասաւանդման հարցերուն: 4 Օգոստոսին «Առնօ Բաբաջանեան» համերգասրահին
մէջ ընթացք առած խորհրդաժողովին կը մասնակցին սփիւռքի ազգային կրթութեան եւ դաստիարակութեան
խնդիրներով զբաղող մարմիններու, կազմակերպութիւններու, հաստատատութիւններու ներկայացուցիչներ՝
ի դէմս թեմական կրթական խորհուրդներու, կրթական կառոյցներու հոգաբարձուներու, տնօրէններու
եւ ուսուցիչներու: Խորհրդաժողովի բացման հանդիսութեան ընթացքին մասնակիցներուն իր
ուղերձը յղած էր Հայաստանի նախագահ Սերժ Սարգսեան, իսկ Ամենայն հայոց կաթողիկոս Գարեգին
Բ.ը փոխանցած էր իր օրհնութիւնը: Հայաստանի կրթութեան եւ գիտութեան փոխնախարարը ողջունեց
ներկաները։ «Հայաստանում այսօր միաւորուել են տասնինը երկրի տարբեր կրթօջախների ներկայացուցիչներ,
ովքեր քննարկելու են տարատեսակ խնդիրներ: Այս խորհրդաժողովն իրականացւում է երկու տարինն
մէկ պարբերականութեամբ: Ընդհանուր խնդիրները, պարզ է, որ վերաբերում են հայոց լեզուի
եւ հայկական մշակոյթի պահպանմանը», նշեց Կարինէ Յարութիւնեան: Հայաստանի արտաքին գործոց
փոխնախարար Սերգէյ Մանասարեան իր խօսքին մէջ յայտնեց, որ իւրաքանչիւր ազգի հիմքը անոր
լեզուն ու մշակոյթն է: