Առաջին անգամ հրատարակման կը պատրաստուի հայ երաժշտութեան հանրագիտարան։
Երաժշտական հանրագիտարանները, ինչպէս եւ առհասարակ հանրագիտարանները, նշանակալի ներդրում
են համաշխարհային մշակոյթի պատմութեան մէջ եւ կը համարուին ազգային հարստութեան անքակտելի
մաս: Երաժշտական հանրագիտարաններ ունին գրեթէ բոլոր քաղաքակիրթ ժողովուրդները` երաժշտութեան
պատմութեան համաշխարհային գործընթացներու մէջ շեշտելով նաեւ սեփական ժողովուրդի ձեռքբերումները
այդ ոլորտին մէջ: ՀՀ մշակոյթի նախարարութեան պաշտօնական կայքէն կը տեղեկանանք, որ
հաշուի առնելով այն հանգամանքը, որ մինչ օրս մեր մօտ գոյութիւն չունի նման համապարփակ
հրատարակութիւն, Հայաստանի Հանրապետութեան մշակոյթի նախարարութիւնը ձեռնարկած է “Հայ
երաժշտութեան հանրագիտարան”-ի ստեղծումը եւ հրատարակումը: Այս նպատակով ՀՀ մշակոյթի նախարարի
հրամանով ստեղծուած է յանձնաժողով, որուն կազմին մէջ ընդգրկուած են վաստակաշատ երաժշտագէտներ,
Հայկական հանրագիտարանի հրատարակչութեան, ՀՀ ԳԱԱ արուեստի ուսումնարանի, Երեւանի Կոմիտասի
անուան պետական երաժշտանոցի, Հայաստանի երաժշտահաններու եւ երաժշտագէտներու միութեան,
Հայաստանի երգչախմբային ընկերութեան ներկայացուցիչներ: Յուլիս 26-ին ՀՀ մշակոյթի նախարարութիւն
հրաւիրուած էր վերոնշեալ յանձնաժողովի առաջին նիստը. ներկայացուած է նախարարութեան յանձնարարութեամբ
Հայկական հանրագիտարան հրատարակչութեան կողմէ պատրաստուած նախագիծը, որուն շուրջ տեղի
ունեցած մտքերու փոխանակութեան եւ առաջարներու քննարկմամբ` ճշդուած է հանրագիտարանի կառուցուածքի
եւ թեմաթիկ բառացանկի սկզբունքները, ինչպէս նաեւ ընթացիկ կազմակերպչական հարցեր: