Յիսուսեան հայր Փաոլօ Տալլոլիոյի արեւանգումէն անցաւ մէկ տարի։
Յիսուսեան միաբանութեան անդամ` Հայր Փաոլօ Տալլոլիօ անցեալ 29 Յուլիս 2013-ին, Սուրիոյ
ահաբեկիչներէն արեւանգուեցաւ մինչ կը գտնուէր Սուրիոյ Ռաքքա քաղաքը հաշտարարի դեր կատարելու
կամքով։ Անոր արեւանգումի տխուր տարեդարձին առթիւ` անոր պարագաները հեռուստատեսիլային
պատգամի միջոցաւ ահաբեկիչներուն կոչ ուղղեցին տեղեկութիւններ տալու ''հաւատքի եւ խաղաղարար
մարդու'' մասին, որպէսզի կարողանանք – ըսին Հայր Տալլոլիոյի եղբայրն ու քորը - զայն ողջագուրել
կամ հակառակ պարագային նաեւ` զայն ողբալ։ 59 տարեկան հայր Փաոլօ Տալլոլիոյ ճանչցուած
է որպէս քրիստոնեաներու ու մահմետականներու միջեւ երկխօսութեան մարդ։ Սուրիոյ մէջ հիմնած
է ''Մար Մուսա'' համամիութենական վանատունը եւ յաճախ անոր յանձնուած է միջնորդի առաքելութիւն
մը։ Մինչեւ օրս ի զուր եղան ահաբեկիչներու հետ կապ հաստատելու փորձերը։