Թուրքիոյ Վաքըֆ գիւղին մէջ մնացած վերջին քեսապահայերը վերադարձած են Քեսապ
«Ակօս» կը հաղորդէ, որ Քեսապ վերադարձած է թուրք-սուրիական սահմանի թրքական կողմը գտնուող
հայկական Վաքըֆ գիւղին մէջ գտնուող քեսապահայերու վերջին խումբը: Միայն վեց քեսապահայեր
փաստաթուղթերու բացակայութեան պատճառով մնացած էին Վաքըֆ գիւղին մէջ: Մէկուկէս ամսուան
սպասումէ ետք վերջապէս վերադարձած են Քեսապ: Նշենք, որ 15 յունիսին Քեսապի վերագրաւուելէն
ետք Լաթաքիոյ մէջ ապաստանած քեսապահայերը սկսած էին վերադառնալ իրենց պապենական օրրանը: