Մարոնիներու Ռայի պատրիարքը, ուրբաթ 11 ապրիլին, Պէյրութի օդակայանին մէջ իր կատարած
յայտարարութեան մէջ հերքեց իրեն վերագրուած այն տեղեկութիւնները, ըստ որոնց, ինք դէմ
է թէ՛ Մարտ 8-ի եւ թէ՛ Մարտ 14-ի կողմերու ներկայացուցիչներէն նախագահի ընտրութեան: Յայտնելով,
որ իր խօսքերը իրենց հունէն շեղած են, Ռայի պատրիարքը յայտնեց, որ ինք ըսել ուզած է`
երկու նշեալ կողմերէն ոեւէ ներկայացուցիչի թեկնածութեան ձախողութեան պարագային, պիտի
ընտրուի կողմերէն դուրս այլ թեկնածու մը: «Մենք լիազօրութիւն չունինք վճռելու այս կամ
այն թեկնածուին ճակատագիրը, սակայն խորհրդարանի մեծամասնութեան քուէներով ընտրուած որեւէ
խումբի թեկնածու կը նկատենք մեր նախագահը ու կը զօրակցինք անոր», ընդգծեց Ռայի պատրիարքը: Միւս
կողմէ, ան մաղթեց, որ խորհրդարանական յանձնախումբերու որոշելիք տուրքերը ըլլան այնպէս
մը, որ անոնք «չսպառեն աշխատաւորներու քսակը»: