Հարցազրոյց – Հանդիպում ` Արհի. Պետրոս Արքեպիսկոպոս Միրիաթեանի հետ` ''Որպէս հոգեւորականներ,
մեր առաքելութիւնն է աղօթել եւ յոյս ներշնչել մեր տառապեալ ժողովուրդին'' ։
Հալէպի Հայ Կաթողիկէ
Համայնքի Արքեպիսկոպոս` գերապայծառ Պետրոս Միրիաթեան, այս օրերուն, աշխատանքային ծրագիրով
ժամանած է Հռոմ։ Իր կեցութեան ընթացքին Միրիաթեան գերապայծառը այցելեց Ռատիովատիկանի
հայկական բաժնի գրասենեակը ու մեր հետ ունեցած զրոյցի մը ընթացքին տեղեկացուց Հալէպահայութեան
ապրած` տխուր եւ դժուար կացութեան մասին, ու խօսեցաւ Հալէպի երեք Հայ Համայնքապետերու
միասնական գործունէութեան մասին ի սպաս հայ ընտանիքներուն։ Գերապայծառ Միրիաթեան
իր զրոյցի աւարտին յոյս յայտնեց որ ''Սուրիական ճգնաժամը վերջ գտնէ եւ իրենց ծնդավայրէն
հեռացած հայ ընտանիքները վերադառնան իրենց օճախները։ ''Որպէս հոգեւորականներ, մեր առաքելութիւնն
է – ըսաւ գերապայծառ Միրիաթեան - աղօթել եւ յոյս ներշնչել մեր Ժողովուրդին''։