2013-03-13 20:41:08

Ֆրանչէսկոս` Նորընտիր 266րդ Քահանայապետը։


Հազիւ ընտրուած, նորընտիր Քահանայապետը աշխարհին յայտնուեցաւ Սուրբ Պետրոսի կեդրոնական պատշգամէն, մինչ Սուրբ Պետրոսի հրապարակը դարձած էր հրճուանքի վայր ''Viva il papa'' բացագանչութիւններով։
Յիսուսեան միաբանութեան անդամ, Ֆրանչէսկոս Ա. Սրբազան Քահանայապետը, նախ քան «Urbi et Orbi» (Հռոմ Քաղաքին եւ Աշխարհին) Առաքելական Օրհնութիւնը ջամբելը ըսաւ`
''Սիրելի եղբայրներ եւ քոյրեր, բարի երեկոյ։ Եղբայրակից կարտինալները, նոր քահանայապետը ընտրեցին հեռուէն, շնորհակալ եմ ձեր ջեռմ ընդունելութեան, Հռոմը ունի իր Եպիսկոպոսը։'' Նորընտիր Քահանայապետը ապա հրաւիրեց հաւատացեալները աղօթելու Հռոմի Վաստակաւոր եպիսկոպոս` Բենեդիկտոս ԺԶ-ին համար ''Հայր մեր''ը արտասանելով։

ֆրանչէսկոս Սրբազան Հայրը ապա ըսաւ. ''այժմ կը սկսինք մեր ճանապարհորդութիւնը, միասնաբար` եպիսկոպոս եւ ժողովուրդ։ Թող այս ըլլայ վստահութեան ճանապարհորդութիւն մը։ Կը յուսամ - շարունակեց Սրբազան Հայրը- որ այսօր սկիզբ առած այս ուղեւորութիւնը արդիւնաւէտ ըլլայ աւետարանացումի համար։ Այժմ կը ջամբեմ իմ առաքելական օրհնութիւնս, սակայն առաջ ձեզմէ կը խնդրեմ որ աղօթէք Աստուծոյ որպէսզի Տէրը օրհնէ նախ իր Եպիսկոպոսը։ Ձեր լռելեան աղօքը ըլլայ իմ վրաս Աստուծոյ օրհնութիւն։'' Պահ մը լռութենէ ետք Սրբազան Քահանայապետը ջամբեց առաքելական «Urbi et Orbi» օրհնութիւնը։








All the contents on this site are copyrighted ©.